Granit Xhaka duket edhe më afër transferimit tek skuadra e Romës, aq sa Arsenali ka filluar të kërkojë zëvendësuesin.
Sipas mediave angleze, ‘’topçinjtë’’ janë vënë pas ish-mesfushorit të Bajernit, Renato Sançes i cili aktualisht luan për kampionen e Francës, Lilën. Por, londinezët më para duhet të mposhtin konkurrencën e Liverpulit e cila gjithashtu është vënë në kërkim të një zëvendësuesi për mesfushorin holandez, Vajnaldum i cili u transferua tek PSG-ja.
Shqetësim mbetet forma jo e mirë fizike e portugezit, i cili në dy vite ka luajtur vetëm 42 ndeshje. Arsenali mund ta bindë Lilën pasi marrëdhëniet e dy skuadrave janë mjaft të mira ku më parë Nikolas Pepe dhe Gabriel janë transferuar drejt Londrës nga skuadra franceze.
