Belgjikë-Itali do të jetë një ndeshje pa favoritë, pse jo e barabartë ku diferencën do ta bëjnë detajet e vogla. Gjithsesi, duke qëndruar te baraspesha, të dyja çerekfinalistet e sotme kanë pasur të njëjtin hap jo vetëm në rezultate, duke mbërritur deri në këtë pjesë të turneut me 4 fitore (Italisë i janë dashur 30 minuta më shumë kundër Austrisë), por me të dyja federatat që kanë arkëtuar të njëjtën vlerë milionash që garanton Europian.
Përveç 9.25 milionë eurove që garanton pjesëmarrja, falë 3 fitoreve në grup shifra totale shkon në 13.75 milionë (secila fitore në grupe paguhej 1.5 milionë, 4.5 në total), por duke i shtuar edhe kalimin në 1/8-at (2 milionë euro) dhe kualifikimin edhe për në çerekfinale (3.25 milionë), shifra totale shkon në 19 milionë euro.
Gjithsesi, në gjysmëfinalen e sotme janë në lojë edhe 5 milionë të tjera për kalimin e turit, prandaj stimujt e lojtarëve, duke parë se edhe presio i tyre do të vijë në rritje, nuk do të mungojë absolutisht.
