Nga dita e hënë, grand slam i Wimbledon do të luhet me kapacitet të plotë tifozësh. Çka do të thotë që nuk do të ketë më asnjë vend bosh në stadium, ndërkohë që në fushë do të zbresin tenistët më të mirë.
Te meshkujt, në raundin e katërt janë kualifikuar si Roger Federer ashtu dhe Novak Djokovic, që janë dy pretendentët kryesorë. Po ashtu, i kualifikuar është edhe gjermani Alexander Zverev e italiani Matteo Berrettini.
Te femrat, në raundin e katërt janë kualifikuar numri 1 në botë, tenistja australiane Ashleigh Barty e 17-vjeçarja amerikane Cori Gauff. Nuk kanë zhgënjyer as polakja Iga Swiatek, tenistja çeke Karolina Pliskova e ajo amerikanëe Madison Keys.
