Spanja u eliminua nga Kampionati Europian nga Italia vetëm falë penalltive ku ‘’axurrët’’ u treguan më të zgjuar dhe më gjakftohtë.
Për iberikët gabuan Olmo dhe Morata, por 11-metërshi i sulmuesit të Juves ishte vendimtar pasi fill pas tij Zhorzhinjo realizoi 11-metërshin vendimtar. Media spanjolle ‘’AS’’ ka zbuluar fjalët e trajnerit Luiz Enrike drejtuar Moratës para gjuajtjes së penalltive.
‘’Gjuaj, por duhet të jesh i sigurt’’, mësohet t’i ketë thënë trajneri spanjoll futbollistit të tij, por ky i fundit doli huq duke gabuar përballë Donarumës.
