Trajneri i Real Madrid, Carlo Ancelotti do të dëshironte të sillte me vete në Madrid sulmuesin anësor të Evertonit, Richarlison, të cilin e ka stërvitur sezonin e shkuar.
Sipas edicionit britanik të Goal, trajneri italian ka kontaktuar brazilianin, që aktualisht është duke luajtur në Copa America, për ta bindur atë që të transferohet në La Liga në këtë dritare transferimi.
Tani për tani, ky është vetëm një studim, por në Angli ata janë të bindur se në javët në vijim ky interes mund të kthehet në një ofertë të vërtetë.
