Sulmuesi i Kombëtares shqiptare dhe Levantes, Armando Sadiku kishte thyer hundën pas përplasjes me ish-portierin e Real Madridit dhe Milanit, Diego Lopez.
Pas incidentit të së dielës, në sfidën Levante-Espanyol, sulmuesi i është rikthyer tashëm stërvitjes me skuadrën, ku po përgatitet për ndeshjen e fundjavës.
Sadiku është parë të stërvitet me maskë në fytyrë, për të mbrojtur ashtin e hundës.
Sulmuesi i Kombëtares u transferua te Levante më 31 janar dhe deri tani ka luajtur në dy takime si titullar, por pa shënuar ende asnjë gol.
