Bomba plasi! Lionel Mesi nuk do të jetë më pjesë e Barcelonës! Klubi katalanas doli ditën e sotme me një njoftim zyrtar, ku njoftoi “divorcin” me yllin argjentinas për arsye financiare.
Shkoi fëmijë dhe u largua legjendë, por cilat janë statistikat e Mesit me klubin që shkroi historinë e futbollit? “Pleshti” në total është aktivizuar në 778 ndeshje zyrtare me Barcelonën, ku arriti të realizonte 672 gola si dhe dha 305 asiste.
Në total, Mesi fitoi 35 trofe, 10 La Liga, 7 Copa del Rey, 8 Superkupa të Spanjës, 4 Champions, 3 Superkupa Europane dhe 3 Kupa Bote për klube.
