Fabrizio Ravanelli ka folur për Juventus-in dhe jo vetëm gjatë një eventi bamirësie në Castiglion Fiorentino.
“Pas largimit të Ronaldo-s, skuadra duhet të gjejë një identitet të sajin, por Allegri do ta arrijë këtë objektiv. Pas fundit të cikleve duhet patur durim për të rikrijuar shpirtin luftarak që ka në ADN ky klub”, ka thënë ish-sulmuesi i bardhezinjve.
Në lidhje me sulmuesit e Serisë A: “Abraham e kam ndjekur gjithmonë dhe është përmirësuar shumë. Vlahovic është një finalizues i jashtëzakonshëm, i fuqishëm fizikisht dhe shumë i uritur. Në disa momente më kujton veten time kur isha i ri”.
