Kërkesat për ta parë nga afër ndeshjen në shtëpi të PSG-së ndaj Real Madridit në Ligën e Kampionëve shkojnë deri në qiell dhe biletat në Parc des Princes janë shitur të gjitha, kurse çmimi në tregun e zi për ri-shitje shkon deri në 14 mijë euro.
Për ta parë ndeshjen mes PSG-së dhe Real Madridi duhet të jesh shumë i pasur. Klubi ka njoftuar ditë më parë se janë shitur të gjitha biletat për këtë ndeshje, edhe pse është ndeshje kthyese.“Ju informojmë se nuk ka më bileta për ndeshjen mes PSG-së dhe Real Madridit”, thuhet në njoftimin e klubit.
“Megjithatë ju mund të blini bileta në ‘Ticketplace, që është faqe zyrtare për rishitje të klubit”.
Kur kanë mbetur edhe tre muaj nga kjo ndeshje dhe rezultati i ndeshjes së parë nuk dihet, biletat në tregun e zi shkojnë nga 315 euro në 14,695 euro.
Para kësaj ndeshje, ndeshja e parë zhvillohet në Santiago Bernabeu me 14 shkurt, ndërsa edhe Real Madridi ka njoftuar përmes faqes së saj që nuk ka më bileta për këtë ndeshje.
Ylli i PSG-së, Kylian Mbappe ka besim që skuadra e tij mund të kalojë tutje. “Natyrisht që mund ta mposhtim Real Madridin nëse besojmë”.
