Në orën 19:00 në “San Siro” do luhet ndeshja më interesante e Europa League për 1/16 të këtij kompeticioni mes Milanit dhe Arsenalit.
Një sfidë që mbart një histori të madhe mes këtyre dy ekipeve që përballjet mes tyre në Europë i kanë pasur të shpeshta dhe spektakolare.
Por pak orë para sfidës kuqezinjtë kanë “provokuar” londinezët me një postim në faqen e tyre zyrtare në Facebook.
Në adresën e Milanit është shfaqur fotoja me rezultatin 4-0 në ndeshjen e datës 15 shkurt të vitit 2012 ku kuqezinjtë fitonin në Milano përballë “Topçinjve” me golat e Ibrahimovic, Robinho dhe Boateng.
Një “thumbim” ky ndaj rivalëve të sotëm, ku milanezët shpresojnë që të ripërsërisin suksesin e 6 viteve më parë.
