Paulo Dybala-Juventus po shndërrohet në një telenovele me gjatë se sa parashikohej, madje po bëhet edhe acaruese pasi të gjithë prisnin që me Allegri në stol dhe me largimin e C.Ronaldo firma mbi kontratë të ishte thjesht një formalitet. Fakt është që Dybala është futur në vitin kur i skadon kontrata, qershor 2022, palët duhet të nxitojnë, mbi të gjitha Juventus, pasi rrezikojnë ta humbasin me parametra zero, një lëvizje që kjo është kthyer shumë në modë kohët e fundit.
Allegri e konsideron Dybala si njerin më të rëndësishëm në projektin e tij, Dybala gjithashtu ndihem shumë më komod në Torino por në të njëjtën kohë nuk heq dorë nga ideja e tij se meriton të paktën 12 milionë euro në sezon. Juventus nga ana e saj nuk dëshiron të bëjë një sakrificë kaq të madhe ekonomike, mbetet në nivel 9-10 milionë euro maksimumi. Agjenti i Dybala i ndodhet në Torino dhe është koha e duhur që palët të ulen në një tavolinë për të gjetur një zgjidhje të shpejtë pasi koha nuk është në favor.
