Tifozi i Manchester United dhe ish-kampioni olimpik, Usain Bolt, ka deklaruar se Manchester City ka pasur fat në këtë sezon.
Skuadra e Pep Guardiola ka humbur vetëm dy ndeshje në Premier League ku kryeson bindshëm dhe është shumë pranë titullit, ndërsa në Champions League u eliminua nga Liverpool në çerekfinale.
Usain Bolt mendon se City ka pasur fat në fillim të sezonit dhe diferenca nuk duhet të ishte kaq e madhe.
“Unë mendoj se Manchester City ka pasur shumë fat, pavarësisht se luajtën mirë, – tha ai. – Por ju e patë se Manchester United i mposhti, Liverpool i mposhti në tre nga katër përballjet e sezonit. Diferenca e tyre me ekipet e tjera në Angli nuk është aq e madhe sa duket.”
“Patën fat në ndeshjet e para të vitit, ndërsa kundërshtarët ende nuk ishin zgjuar. Për këtë do të fitojnë titullin,” – pohoi Bolt.
Në lidhje me problemet e United, Bolt shpjegoi: “Edhe United e nisi mirë sezonin, por pati probleme në mes të vitit, ndërsa tani janë kthyer një ekip i fortë, për të mos thënë më i forti. Kjo do t’i shërbejë si përvojë për sezonin e ardhshëm.”
