Futbollisti i Juves, Weston Mckennie u bë protagonist duke u përjashtuar nga kombëtarja amerikane pasi këta të fundit pretenduan se mesfushori kishte shkelur rregullat e ekipit.
Trajneri Greg Berhalter nuk u mendua dy herë duke i treguar derën Mekenit pasi ky i fundit kishte futur në dhomën e hotelit të kombëtares një person të pautorizuar. Në një intervistë për mediat amerikane, legjenda e futbollit amerikan Landon Donovan foli me tone të ashpra për Mekenin duke e cilësuar si egoist dhe si fyese për ekipin kombëtar veprimin e mesfushorit.
“Unë jam tepër i zhgënjyer me Mekeni, ajo që ai bëri është pothuajse e pariparueshme. Unë e kuptoj që pas muajsh të mbyllur në shtëpi keni nevojë të takoheni me njerëzit tuaj, por kjo është java e jetës tuaj, me tre ndeshje shumë të rëndësishme, jo vetëm për veten tuaj, por për shokët e skuadrës dhe për vendin, themelore për të shkuar në Kupën e Botës. Niveli i tij i egoizmit është përtej kuptimit tim”, u shpreh legjenda amerikane Donovan.
Sidoqoftë, dyert e ekipit kombëtar amerikan janë ende të hapura për Mekeni, pasi ai ka vuajtur pezullimin: “Njerëzit bëjnë gabime. Uiston më kërkoi falje mua dhe grupit.
Ai është një pjesë e rëndësishme e ekipit dhe jam i sigurt se kur të bëhet mirë do të kthehet. Më besoni, trajnerë të panumërt përballen me vendime ku ata duhet të përjashtojnë lojtarët e talentuar nga formacioni për një arsye apo për hir të të tjerëve, por ne e bëmë atë për atë që mendojmë se është e mira e grupit dhe e mira e ekipit’’, ishin fjalët e trajnerit të Amerikës.
