Gjatë një interviste të dhënë për median “A Bola”, Bernardo Silva ka folur në lidhje me eksperiencën e tij te Manchester City. Mesfushori portugez ka deklaruar se është përmirësuar shumë falë trajnerit aktual të “Qytetarëve”, Pep Guardiola.
“Nuk e nisa me të njëjtin besim që kam tani. Është normale, ka gjithmonë një periudhë përshtatje dhe adaptimi. Por, në dy apo tre muajt e fundit, kam arritur të tregoj një formë fantastike dhe mendoj se kam mundur të ndihmoj skuadrën. Cfarë kam mësuar nga Guardiola? Gjithçka, si në nivel teknik, ashtu edhe atë taktik, por kam mësuar edhe detajet e vogla… Është kënaqësi të jesh pjesë e kësaj skuadre. Jemi pranë titullit, por në futboll nuk i dihet kurrë”, deklaroi Bernardo Silva.
