Myrto Uzuni i ka dërguar sot në jsinjal të qartë trajnerit Edi Reja se kërkon të jetë protagonist në ndeshjet e muajit tetor të përfaqësues shqiptare. Sulmuesi shqiptar ka gjetur rrugën e rrjetës për herë të parë në grupet e Ligës së Europës ku merr pjesë me Ferencvaroshin e tij.
Uzuni kishte shënuar gjatë kualifikuesve të Champions dhe fazës në grupe të atij turneu, ndërsa kishte gjetur rrjetën edhe në kualifikueset e Ligës së Europës, por asnjëherë më parë nuk kishte shënuar në fazën në grupe. Sot, ai e arriti edhe këtë objektiv, duke realizuar në minutën e fundit të pjesës së parë ndaj Betis Seviljes me një gjuajtje mjeshtërore ballore.
Për sulmuesin shqiptar, ky ishte goli i 9 ndërkombëtar, duke llogaritur se e ka hapur llogarinë e tij me golin e shënuar duke veshur fanellën e Laçit në kualifikimin historik ndaj Anorthosis.
