Ze Roberto “voton” për Leo Messi-n.
Ish-lojtari historik brazilian nuk ka dyshim se kush duhet ta fitojë Topin e Artë: “Pa asnjë dyshim, Messi. Më pas është Cristiano dhe Lewandowski. Pele, Messi dhe Maradona janë më të mëdhenjtë e historisë”, ka thënë Ze Roberto për Oleparlando.
“Ronaldo, Fenomeni, është i katërti në listë për mendimin tim”.
Në lidhje me ambiciet e Brazilit dhe Argjentinës në Katar 2022:
“A mund të luftojnë me të mëdhatë e Europës? Brazili ka kaluar me lehtësi ndeshjet kualifikuese, por nuk duhet harruar ajo që ka ndodhur në Rusi 2018. Mendoj se mund të luftojë, por para Botërorit do të duhet të bëjë ndeshje të tjera për të kuptuar forcën reale”.
Për Argjentinën: “Ka fituar me meritë Kupën e Amerikës dhe ka shfrytëzuar rastin e saj. Çfarë mendoj për Botërorin çdo dy vite? Nuk më pëlqen ideja dhe mendoj se do të humbte rëndësinë”, ka përfunduar Ze Roberto.
