Paul Pogba ka qenë protagonist për keq në humbjen e rëndë të pësuar nga Manchester United kundër Liverpool.
Francezi, i aktivizuar në fillimin e pjesës së dytë, është ndëshkuar me karton të kuq pas 15 minutash lojë.
Paul Scholes, legjendë e Djajve të Kuq, e ka kritikuar ashpër kampionin e botës:
“Futet në fushë për ndihmuar skuadrën me talentin e tij, por humb top pas pak momentesh dhe Liverpool shënon. Kalojnë pak minuta dhe ndëshkohet me karton të kuq për një faull qesharak me skuadrën që mbetet në inferioritet numerik dhe 5 gola në disavantazh”, ka thënë Scholes për Record.
“Të gjithë e dinë që ka talent, por me gjithë rrëmujën që ka krijuar, për faktin që nuk ka rinovuar akoma kontratën, si mund të futet në fushë një lojtar i tillë? Është një mungesë disipline dhe një mungesë respekti për teknikun dhe shokët e skuadrës”.
