Vazhdon ecuria e jashtëzakonshme e Milanit. Edhe në ndeshje të vështira, të ndërlikuara, skuadra kuqezi tregon karakter dhe soliditet. Duhej një ndeshje e “pisët” ndaj një Torino në formë dhe kështu ka qenë.
E zhbllokuar shpejt me Olivier Giroud, gjithë pjesa tjetër e lojës ka qenë menaxhim, vuajtje dhe sakrificë për kuqezinjtë, teksa Sanabria dhe Praet iu afruan golit për miqtë.
Për kuqezinjtë shumë pak punë në sulm, më shumë për të menduar në anën e mbrojtjes,me Kjaer dhe Tomori të pakalueshëm, por edhe Tatarusanu të vëmendshëm.
Milani merr fitoren e 9-të në 10 ndeshje në Serie A ku ka barazuar vetëm një: atë ndaj Juventusit në Torino.
