Nëse Petr Chech do të mund të zgjidhte një ndeshje për të luajtur sërish në gjithë karrierën e tij të gjatë, që do të përfundojë në fund të sezonit, atëherë nuk do të kishte dyshime. Mendja shkon menjëherë në atë gjysmëfinale të Champions League 2009, kur Chelsea u eliminua nga Barcelona, për shkak të një magjie të Andres Iniesta, pikërisht në minutat e fundit të kohës shtesë.
Një prej golave më të rëndësishëm dhe spektakolarë të karrierës së shkëlqyer të iluzionistit dhe një prej netëve më të hidhura për tifozët e Chelseas, të tërbuar për arbitrimin e norvegjezit Ovrebo.
Të nesërmen e njoftimit të lamtumirës nga futbolli të Cech, pikërisht Iniesta deshi të përshëndesë dhe t’i bëjë homazhet portierit çek, përmes një postimi të bukur në Twitter, shoqëruar me një foto të një prej shumë ndeshjeve në të cilat kanë qenë kundërshtarë. Por jo pikërisht ajo ndeshje. “Tërhiqet një prej portierëve më të mëdhenj në botë. Të përballesha me ty ishte një nder. Të uroj më të mirën”, shkroi Iniesta, që tashmë aktivizohet me skuadrën japoneze të Vissel Kobe.
Se retira uno de los grandes porteros del mundo… Siempre bonito enfrentarse a ti! Todo lo mejor, @PetrCech!! 🔝🔝🔝
One of the best goalkeepers in the world retires… Always challenging and good to play against you! All the best, @PetrCech!! 🔝🔝🔝 pic.twitter.com/1hQlC4ihLN
— Andrés Iniesta (@andresiniesta8) January 16, 2019
