Arsenal ka marrë një fitore të rëndësishme në transfertë kundër Leicester.
Topçinjtë kanë fituar 2-0 takimin e javës së dhjetë të Premier League dhe janë ngjitur përkohësisht në vendin e pestë të renditjes me 17 pikë.
Gabriel (5′) dhe Smith Rowe (18′) kanë shënuar për Arsenal-in, por heroi i vërtetë i ndeshjes ka qenë portieri Ramsdale.
Numri 32 i Topçinjve ka shpëtuar rezultatin me disa pritje të jashtëzakonshme. Më e bukura ka qenë ajo në fundin e pjesës së parë pas një goditje dënimi të bukur të Maddison.
Për herë të parë që nga 1925-a, Arsenal ka marrë tre fitore radhazi në transfertë kundër Leicester.
Mikel Arteta ka bërë diçka që as Arsene Wenger nuk ka arritur ta bëjë.