Drejtuesit e Norwich morën një vendim surprizë në fundjavë. “Kanarinat” fituan 1-2 në fushën e Brentford, duke siguruar fitoren e parë sezonale në kampionat.
Suksesi nuk mjaftoi dhe drejtuesit e klubit të Premier League shkarkuan gjermanin Daniel Farke disa momente pas përfundimit të ndeshjes.
Disa emra të ndryshëm po qarkullojnë për pasuesin e tij në stolin e ekipit ku aktivizohet edhe Milot Rashica.
Sky Sport shkruan se i preferuari i drejtuesve të Norwich është Frank Lampard. Ky i fundit qëndron pushim prej janarit, kur u shkarkua nga Chelsea.
Dy emra të tjerë që përfliten për postin e trajnerit të klubit ishullor janë Smith e Hasenhuttl, por në “pole” mbetet ish-mesfushori i famshëm.
