Në ndeshjen e kampionatit të të rinjve U-19 italianë ka ndodhur një gjest i veçantë. Në ndeshjen mes Borgosesia dhe Alçione Milano e cila përfundoi me shifrat 7-2 për skuadrën e Borgosesias, lojtari i skuadrës së Alçione Milanos ka bërë një gjest unik të “Fair Play”-t.
Dario Di Tora i gjendur përballë portierit ka hequr dorë për të shënuar gol dhe vendosi që të nxirrte topin jashtë sepse një futbollist i skuadrës së Borgosesias ishte i dëmtuar, duke treguar kështu vlerat e tij sportive dhe njerëzore të “Fair Play”-t sidomos në një moment deçiziv goli.
