Arbi Laçi do t’i bashkohet stafit drejtues të Dinamos, ku do të mbajë postin e drejtorit sportiv.
“Panorama Sport” mëson se ai është zgjedhur dhe prezantuar mbrëmë nga presidenti Adrian Bardhi para të gjithë trajnerëve të klubit, që nga Bledi Shkëmbi i skuadrës së parë dhe atyre të akademisë.
Blutë plotësojnë kështu strukturën drejtuese të tyre me drejtorin sportiv, që deri tani kishte munguar. Arbi Laçi vjen te Dinamo pas përvojës me Tiranën, ku dhe u shpall kampion.
