Në orën 20:45, Kombëtarja do të zbresë në fushë për tu përballur me Andorrën për sfidën e fundit eliminatore të Botërorit.
Kuqezinjtë do të luajnë për objektivin e vendit të tretë pasi Hungaria ende rrezikon të na kalojë në renditje. Trajneri Reja ka përgatitur rotacion për këtë sfidë duke nisur dhe nga dëmtimet e mungesat nga numri i lartë i kartonëve të verdhë.
FSHF-ja ka postuar një video nga dhoma e zhveshjes së kuqezinjve, teksa vërehet se Taulant Seferit i është besuar numri 7 që mban dhe bomber botëror Kristiano Ronaldo.
Sulmuesi i Tiranës po kalon një formë vërtetë të mirë dhe shpresojmë të jetë vendimtarë ndaj Andorrës në një sfidë që thotë shumë për Kombëtaren.
Ekipi ❤️🖤 për sfidën ndaj 🇦🇩 Andorrës
— FSHF (@FSHForg) November 15, 2021
