Xhejms Adeniji ka shënuar një gol, për të cilin pas ndeshjes ka shpjeguar sesi e kishin përgatitur në stërvitje. “Nëse të gjithë e quanin ndeshje të thjeshtë, unë them jo. Nuk ishte një ndeshje e lehtë, por nga ato takime që kërkojnë maksimumin. Lushnja tregoi se nuk është ai ekip i 10 pikëve, por një skuadër që përpiqet dhe kërkon maksimumin.
Goli na ndihmoi, por Lushnja nuk u dorëzua dhe duhet ta mbyllnim ndeshjen më shpejt. Gjithsesi, jemi të kënaqur me rezultatet pozitive dhe diferencën e mbetur 14 pikë. Goli ishte një skemë që e përdorim në stërvitje dhe në të tilla situata të vjen mirë kur del me sukses”, ka deklaruar nigeriani në përfundim të takimit.
