E shtuna në Superligën e Kosovës ka prodhuar ndeshje mjaft emocionuese. Drita ka marrë një fitore me vlerë ndaj Ulpianës në shtëpi dhe merr kryesimin e kampionatit.
Vendasit fituan me rezultatin 3-1. Muja shënoi në fundin e pjesës së parë për Dritën. Në pjesën e dytë Qerimi barazoi për Ulpianën. Kur dukej se ndeshja do dilte në barazim ishte Fazlliu që me penallti shënoi golin e dytë për vendasit. Simovonski i vuri kapakun sfidës me golin e tretë.
Në ndeshjen tjetër Drenica fitoi 0-2 në transfertë përballë Feronikelit. Uka në pjesën e parë dhe Gashi në të dytën ishin autorët e golave.
Llapi fitoi 3-2 ndaj Prishtinës. Kjo ndeshje pati shumë emocione duke qenë se u anulua dhe një gol. Vendasit morën avantazhin me një autogol të Ismailit. Riviera dyfishoi rezultatin. Prishtina u rikthye në lojë me Arlind Shabanin në fundin e pjesës së parë. Në pjesën e dytë Prishtina barazon rezultatin me Lilaj. Goli I fitores për Llapin erdhi nga Kushtrim Shabani në minutën e 96.
DRITA-KF ULPIANA 3-1
40’Muja, 93’Fazliu, 99’Simonovski/ 51’Qermi
FERONIKELI-DRENICA 0-2
21’Uka, 52’Gashi
KF LLAPI-PRISHTINA 3-2
24’Ismaili(autogol), 27’Rivera, 96’K.Shabani/43’A.Shabani, 61’Lilaj