Ish-sulmuesi i Italisë, Antonio Di Natale ka përjetuar momente tmerri. Mediat raportojnë se mbrëmjen e kaluar ai ka rënë pre e një grabitje nga 5 persona të armatosur.
44-vjeçari po kthehej në shtëpi bashkë me gruan dhe dy fëmijët, por në një moment ka parë armën përpara fytyrës.
I ndodhur përballë presionit, Di Natale është detyruar t’u dorëzojë grabitësve një orë me vlerë prej 30 mijë eurosh.
Ata u larguan menjëherë dhe për fat të mirë nuk u lëndua asnjë nga familjarët e ish-kapitenit të Udineses, aktualisht trajner i Carrarese në Serie C.
