Sfida mes Kukësit dhe Dinamos do të përmbyllë javën e 16-të të Kategorisë Superiore, e cila deri tani ka prodhuar shumë surpriza, ku më së shumti spikat triumfi i Kastriotit të vendit të fundit ndaj kampionëve në fuqi të Teutës me rezultatin 2-0. Me 3 pikët e marra ndaj durrsakëve, krutanët u ngjitën në kuotën e 11 pikëve, 3 më pak se Egnatia e vendit të parafundit.
Ndërkohë për sa i përket Teutës, “djemtë e detit” të drejtuar nga Edi Martini, duket se janë postuar në zonën e ftohtë, me vetëm 18 pikë në 16 javë, duke ndjerë presionin e zonës së ftohtë.
Partizanit, me fitoren e sotme ndaj Egnatias, ka hedhur vështrimin në pjesën e sipërme të tabelës, ku do të tentojnë një vend në Kupat e Europës.
Pas përfundimit të 4 ndeshjeve të javës së 16-të, renditja kryesohet nga Tirana me 34 pikë, teksa ndjekin Laçi dhe Kukësi, me 28 pikë. Vlen të theksohet fakti se verilindorët e Longos, kanë një ndeshje më pak.
JAVA 16
Të shtunën
Skënderbeu-Laçi 0-0
Tirana-Vllaznia 0-0
Të dielën
Egnatia-Partizani 0-3
Kastrioti-Teuta 2-0
Të mërkurën
Kukësi-Dinamo 18:45
