Mbrojtësi i kombëtares shqiptare, Berat, Gjimshiti, ka folur për një media në Bergamo, ku ka treguar për të ardhmen e tij dhe për gjendjen e Atalantës.
“Unë nuk mendoj për të ardhmen. E vërteta është se nuk e prisja të qëndroja kaq gjatë në Itali, por jam i lumtur te Atalanta dhe jam i kënaqur me mënyrën si po shkojnë gjërat. Dua të bëhem më i fortë dhe jam në mjedisin e duhur. E di që mund të jap më shumë”, u shpreh Gjimshiti.
Gjithashtu ai foli dhe për merkaton e klubit, ku nuk la pa përmendur Robin Gosens. “Humbëm një pjesë të rëndësishme të ekipit, por jam i lumtur për të, sepse ai e dëshironte këtë hap. Lojtarët e afruar janë të rinj dhe cilësorë. Do t’u duhet pak kohë për t’u përshtatur, por jam i bindur se ekipi është ngritur në nivelin e duhur”, përfundoi mbrojtësi i kombëtares tonë.
