Newell’s ka prezantuar skuadrën që do të marrë pjesë në Copa Libertadores Under 20 dhe ka tërhequr vëmendjen e botës së futbollit duke zbuluar fanellën me numrin 10 me mbiemrin që ka ëndërruar gjithmonë: Messi… por jo Lionel!
Në fakt, bëhet fjalë për Joaquin Messi, një djalosh 19-vjeçar, i cili ka lindur gjithashtu në Rozario. Pavarësisht rastësive të shumta, nuk ka asnjë lidhje familjare mes Joaquin dhe Lionel, siç ka deklaruar vetë djaloshi:
“Sapo kam ardhur, kanë qenë të shumtë ata që më kanë pyetur nëse kishim lidhje familjare. Është thjesht një rastësi, në qytetin tim janë tre familje që kanë mbiemrin Messi. E kam nisur nga Newell pikërisht si ai dhe tani duhet të përdor edhe fanellën me numrin 10”.
Gjatë intervistës, i riu Joaquin është pyetur se çfarë do të bënte nëse Leo do të kthehej te Newell’s dhe t’i kërkonte 10-ën: “Më jepni një numër tjetër, 10 është e tija deri sa do të vazhdojë të luajë”.
