Vedat Muriqi padyshim po kthehet në një protagonist te Majorka, ku në tre takime në kampionat, ka shënuar dy gola dhe ka dhuruar dy asiste.
Mediat italiane e cilësojnë si një humbje të madhe për Lacion largimin e sulmuesit kosovar, duke e bërë me faj teknikun Sarri.
Pas takimit me Betis, Muriqi dha një intervistë, ku u shpreh: Ne nuk e meritonim humbjen. Ne mund të merrnim një pikë përballë një kundërshtari të fortë si Real Betis. Ne duhet të vazhdojmë të luftojmë për qëllimin tonë. Jam i lumtur me golin, por unë do të doja ta ndihmoja ekipin të merrnim tre pikët”, ishin fjalët e sulmuesit kosovar.
