Interi po përjeton një moment jo të mirë teksa nuk ka arritur të bindë si me lojë po ashtu edhe me rezultate, ku në bankën e të akuzuarve kanë qenë më së shumti kapiteni, Samir Handanoviç dhe Lautaro Martinez, i cili nuk shënon prej 9 ndeshjesh në të gjitha kompeticionet, e fundit daton më 12 janar 2022 ndaj Juventusit në Superkupën e Italisë.
Tifozët ultrasë të Interit, Curva Nord kanë zbarkuar në qendrën stërvitore të zikaltërve, “Suning Training Centre” për t’i dhënë mbështetjen e tyre Handanoviçit dhe Lautaros me disa banderola.
Disa nga parullat ishin: “Me forcë fitohen betejat, me karakter fitohet lufta. Curva Nord është me ju”; “Samir, mos u shqetëso për ata, Curva Nord është me ty”; “Lautaro duro, jemi të gjithë me ty”.
