Trajneri i Specias, Tiago Mota, ka deklaruar se përballja kundër Juventusit do të jetë mjaft e vështirë për ekipin që ai drejton. Duke folur për mediat italiane, Mota, që në të kaluarën e tij ka luajtur me Interin në Serinë A, ka thënë:
“Juventusi nuk është më ajo skuadra e fillimit të sezonit, kanë ndryshuar shumë dhe e shoh mes favoritëve për të fituar titullin. Ne e kemi të qartë se çfarë na pret, por do të përpiqemi të bëjmë një paraqitje të mirë në Torino.
Juventusi është mes favoritëve, por ne kemi objektivat tanë”.
Për takimin e së dielës pritet që trajneri i Specias, Tiago Mota, të kthejë në formacionin titullar sulmuesin kuqezi, Rei Manaj.
