Rei Manajt i kanë veshur vellon e heroit te Specia. Nëpërmjet një postimi në faqen zyrtare në “Twitter”, klubi i Specias, ka postuar një foto të shqiptarit, i veshur si Batman, në prag të duelit special ndaj Juventusit.
Fotoja e Manajt shoqërohet me mbishkrimin: “Specia ka nevojë për heronjtë e saj”. Kjo lë të kuptohet që të gjithë sytë në duelin e sotëm ndaj “Zonjës së Vjetër”, janë të sulmuesi shqiptar, i cili po kalon një formë mjaft të mirë me klubin italian, ku shpesherë është shndërruar në protagonist me golat dhe asistent.
