Pas kualifikimit në Ligën e Konferencës, Roma do të tentojë sot në mbrëmje t’i afrohet Juventusit.
Sfidë e komplikuar për verdhekuqtë, të cilët i bëjnë vizitë Napolit sot në orën 19:00. Vendësit kanë detyrim për të fituar për të mos humbur trenin e kreut, ndërsa Murinjo mendon për pak rrotacion.
Në formacion nga minuta e parë duhet të jetë Kumbulla që do t’i mundësojë pak frymëmarrje Smollingut, teksa në repartin rival do të jetë në fushë Amir Rrahmani, djaloshi kosovar që ka luajtur dy herë me Shqipërinë përpara se të kalonte te Kosova.
