Mario Baloteli është duke zhvilluar një sezon fantastik në Turqi me fanellën e Adana Demirsporit.
Sulmuesi italian në përmjet rrjetit social “Twitch” ka qenë në lidhje direkte me Agueron pas ndeshjes Mançester Siti-Real Madrid mbrëmë, duke lëshuar deklarata dashurie për skuadrën e Boka Zhuniorit, ku ish-lojtari i Interit dhe Milanit ka thënë se nëse Rikelme në cilësinë e drejtuesit do ta telefonojë do të shkonte menjëherë:
“Boka Zhunior më pëlqen, gjithashtu më tërheq që të luaj për ta. Të gjithë fëmijët janë rritur me mitin e Maradonës dhe Rikelmes. E njoh Boka Zhuniorin falë tyre.
Kam thënë gjithmonë se herët ose vonë do të luaja për ta.
Nëse më telefonon Rikelme do të shkoja menjëherë.”, përfundoi sulmuesi 31-vjeçar, i cili aktualisht me fanellën e Adana Demirsporit në Superligën turke është aktivizuar gjithsej në 28 ndeshje, nga ku ka shënuar 12 gola dhe ka dhuruar dhe 4 asiste për shokët e skuadrës.
