Trekëndëshi Paris-Madrid-Mbappe ishte një nga telenovelat më të përfolura në këtë merkato vere. Nuk ishte një negociatë si gjithë të tjera, por ishte më shumë se kaq, aq sa në mes u fut edhe politika, u përshi personalisht presidenti Emmanuel Macron.
Mbappe e pa veten mes një luftë të ftohtë në distancë ndërmjet dy presidentëve Al-Khelaifi-Perez, dy personazhe shumë të fuqishme në botën e futbollit, por të pozicionuar në kahet e ndryshme të projektit për krijimin e Superligës.
Kjo telenovele nuk ka përfunduar, thjesht është shtyrë pak në kokë. Për të ndezur edhe një herë ambientin, këtë diskutim, ka menduar L’Equipe: “Opsioni që rinis telenovelën”, shkruan e përditshmja franceze në faqen e parë teksa ka zbuluar një detaj shumë interesat nga kontrata që Mbappe rinovojë me PSG.
Gjithnjë sipas L’Equipe: Mbappe nuk ka firmosur një kontratë 2-vjeçare me opsion rinovimi për një tjetër vit në favor të klubit. Në realitet, sulmuesi francez ka firmosur një kontratë 2-vjeçare, por opsioni për një tjetër vit është në favorin e tij, pra në 2025 Mbappe mund të zgjedh lirisht se ku do të vijojë karrierën e tij, sërish si një lojtar i lirë.
PSG insistojë deri në fund për të nënshkruar një kontratë më të gjatë me Mbappe, por lojtari më sa duket ka një tjetër projekt në mendjen e tij.
