Leo Messi duket se është ambientuar si duhet në Francë gjatë këtij sezoni, teksa duket në formën më të mirë me skuadrën e PSG.
Messi realizon në mënyrë konstante, dhuron asiste, praktikisht është rikthyer të bëj Messi-n, edhe kjo ka bërë që në Paris duken të dashurohen me të.
Teksa në këtë periudhë është folur për një rikthim të mundshëm në “Camp Nou” në përfundim të këtij sezoni, në Francë duket se kanë një tjetër version.
Sipas Cadena Ser, klubi i PSG dëshiron ta ketë Messin në skuadër minimalisht edhe për sezonin e ri, për këtë arsye i kanë ofruar rinovimin e kontratës me një vit, me opsion rinovimi edhe për një tjetër. Ideja e drejtuesve të PSG është të sigurojnë shërbimet e Messit deri në 2025, kohë kur “pleshti “do të jetë 38 vjeç. Në kontratën e re, sheikët i kanë ofruar sulmuesit argjentinas 30 milionë euro neto në sezon.
