Edin Xheko mund të jetë në sezonin e tij të fundit me Interin, pasi me kontratën që i skadon në qershor, në moshën 36-vjeçare, dhe me emrat e tjerë të pranishëm në sulmin zikaltër, duket e vështirë që klubi t’i ofrojë rinovimin Xhekos, që duket se do të lërë Serinë A, pas eksperiencave me Romën dhe Interin.
Edhe më parë numri 9 zikaltër ka shprehur dëshirën për të provuar një tjetër aventurë në MLS (Liga Amerikane e Futbollit) dhe ky mund të jetë momenti që boshnjaku të udhëtojë drejt Shteteve të Bashkuara për ta përfunduar aty karrierën e tij.
Inter Majemi, që pas tërheqjes nga futbolli të Higuainit, e ka të lirë fanellën me numër 9, është pista më e mundshme për Xhekon, që nuk përjashton as Los Anxhelesin si destinacionin e tij të radhës.
