Tashmë është zyrtare, Stiven Xherrard nuk është më trajner i skuadrës së Aston Vilës!
Fatale për ish-legjendën e Liverpulit, ishte ecuria e gjatë e rezultateve negative duke dërguar klubin nga Birmingami në një vendim drastik ndaj tij, duke e shkarkuar me efekt të menjëhershëm.
Këtë lajm e ka bërë vetë publike klubi i Aston Vilës me anë të një komunikate në sajtin e saj, duke njoftuar “divorcin” me 42-vjeçarin.
Vendimi për shkarkimin e Xherrard ka ardhur pas humbjes së mbrëmshme ndaj Fulhamit me rezultatin 3-0.
Britaniku u emërua si teknik i Aston Vilës më 11 nëntor 2021 teksa u ul në pankinë 40 herë në të gjitha kompeticionet, teksa koleksionoi 13 fitore, 8 barazime dhe 19 humbje.
Më parë, Stiven Xherrard ka qenë trajner edhe i skuadrave të Rejnxhërs dhe të rinjve të Liverpulit.
Aston Vila aktualisht në Premier Ligë mban vendin e 17 me 9 pikë, ku në 11 ndeshje kampionati ka grumbulluar 2 fitore, 3 barazime dhe 6 humbje, me një golavarazh 7-16.
