Pavarësisht se Wanda Nara nuk ndan asgjë publikisht për marrëdhënien e saj aktuale me Mauro Icardin, futbollisti nuk heziton të tregojë se janë bashkë dhe e tregon edhe përmes fotove që shpërndan në rrjetet e tij sociale.
Pasditen e së martës, lojtari i Galatasaray-t ka befasuar në llogarinë e tij në Instagram me një mesazh dedikuar ekskluzivisht asaj si rezultat i lidhjes së tyre dhjetëvjeçare. Me fjalë të thella dashurie, krahas fotove të ndryshme me partneren e tij, Icardi shkruan:
“Ajo, gruaja ime, dashuria ime e vetme, Mbretëresha ime në këtë fushë të jetës, nëna e vajzave të mia! Unë të dua. 10 vite dashuri në të cilat na është dashur të përjetojmë miliona gjëra të bukura”, – janë disa nga fjalët që Mauro ka zgjedhur t’ia dedikojë.
Por ajo që befasoi të gjithë ishte një tjetër imazh në storien e Instagramit. Në një kartolinë në të cilën shihej trupi i Wanda-s, e shtrirë në krevat, Icardi shkruan: “Të gjithëve u pëlqen, por unë jam ai që e bëj foton”. Pavarësisht se fotoja më pas është fshirë, ajo ka bërë xhiron e botës.
