Në shtëpinë e Tottenham mbetet e hapur çështja “Conte”. Lojtarët vijojnë të ushtrojnë presion mbi drejtuesit e klubit, kërkojnë sa më shpejt shkarkimin e trajnerit. Në fakt, në këtë pikë nuk ka më kthim pas, është thjesht çështje orësh që italiani të largohet nga Londra.
Mediat angleze insistojnë se mes tij dhe klubit divorci është i pashmangshëm, madje klubi ka shkuar deri aty sa do t’i ofrojnë 5 milionë euro dëmshpërblim për prishje të kontratës përpara kohe.
Kujtojmë që Conte ka një kontratë me Tottenham deri në përfundim të këtij sezoni.
