Nuk “shkrepi” me fanellën kuqezi, por në Spanjë Myrto Uzuni konfirmohet “mbret”. “Bomberi” shqiptar vijon ecurinë fantastike në Ligën e dytë, ku përballë Las Palmas realizoi golin e 21-të sezonal, ky është pa diskutim sezoni i tij më i mirë në karrierë. Uzuni edhe një herë tregoi aftësitë e tij nuhatëse, u shkëput shpejt në fundin e pjesës së parë duke realizuar golin e dytë për Granada-n.
Sulmuesi kuqezi është vetëm dy gola larg rekordit historik të Granadas, ku sulmuesi më i mirë në histori ka realizuar 23 gola në një sezon të vetëm. Me këtë fitore 2-1 përballë një rivali direkt, Granada ngjitet në vendin e dytë në kuotën e 64 pikëve, një më pak se Eibar kryesues dhe dy më shumë se Las Palmas.
