Më në fund, futbolli italian u rikthye në majën e Evropës, me tre ekipe në tri finalet e UEFA-s, por fundi ishte i hidhur. Brenda 10 ditësh, të tre ekipet italiane, Fiorentina, Roma dhe në fund Inter, nuk arritën të fitonin asnjë trofe, duke bërë që zhgënjimi i tifozëve “azzurr” të ishte i madh. Në fakt, tre ekipet italiane zhvilluan tri finale të mira, por detajet bën që në fund të mos festonin.
Fiorentina u mposht nga West Ham në finalen e Conferencë League me një gol në minutën e 90-të, Roma humbi Europa League nga ruleta e penalltive ndërsa Inter humbi Champions që e luajtën si të barabartë përballë Man.City, vetëm fakti nuk ishte me ekipin zikaltër. Pavarësisht përfundimit të hidhur, ky ishte një sezon pozitiv për ekipin italiane.
