Radja Nainggolan mund të quhet më në fund një lojtar i Interit, ndërsa përfundon edhe “telenovela” që ka filluar prej vitesh. Mesfushori belg është nisur nga Roma për në Milano, ku do të mbërrijë sonte dhe nesër do të kryejë vizitat mjekësore me zikaltrit.
Në hotel “Melia” ka mbërritur tashmë agjenti i tij, Alessandro Beltrami, ndërsa në ambientet e jashtme ka filluar edhe grumbullimi i tifozëve zikaltër.
Mendohet se do të jenë shumë të tillë, që do t’i ofrojnë mirëseardhjen Radja Nainggolan, që do të vihet në dispozicion të Spallettit duke filluar që nga 7 Korriku.
