Liga e Kampionëve rikthehet mbrëmjen e sotme me raundin e dytë të fazës së grupeve, ku shumë ekipe të mëdha do të zbresin në fushë.
champions 1
Në Grupin A, Bajerni i Mynihut luan në transfertë përballë Kopenhagenin, një sfidë në dukje e lehtë për të besuarit e Tuhel. Po në këtë grup luhet dhe takimi interesant mes Mançester Junajtid dhe Gallatasarjit.
Grupi B spikat me sfidën Lens-Arsenal, me “Topçinjtë” që do të kërkojnë tre pikët e radhës në grupe për të ruajtur vendin e parë përballë modestëve francezë.
Supersfida e mbrëmjes është garantuar në Grupin C, me Napolin që do të presë në “Diego Armando Maradona” Realin e Madridit. “Mbretërorët” do të bëjnë çmos që të marrin maksimumin nga kjo transfertë, edhe pse kampionët e Italisë nuk do t’ia bëjnë aspak të lehtë.
Një tjetër duel interesant është rezervuar në Grupin D, me Interin që do të presë në “Giuseppe Meazza” skuadrën e Benfikës.
NDESHJET:
GRUPI A
KOPENHAGEN – BAJERN MYNIH 21:00
MANÇESTER JUNAJTID – GALLATASARJI 21:00
GRUPI B
LENS – ARSENAL 21:00
PSV – SEVILJA 21:00
GRUPI C
UNION BERLIN – BRAGA 18:45
NAPOLI – REAL MADRID 21:00
GRUPI D
SALCBURG – REAL SOCIEDAD 18:45
INTER – BENFIKA 21:00
