Verona, Union Berlin dhe Milan: Rudi Garcia ka në dispozicion edhe tre ndeshje, 270 minuta në total, për t’u konfirmuar në krye të Napolit. Ky vendim i De Laurentiis është një besim me kusht për trajnerin, nëse Napoli nuk bën pikë të plota në këtë tre sfida, atëherë Garcia-n e pret shkarkimi. Në sytë e bosit të bluve, Garcia ka në dispozicion një super grup, fundja nga sezoni i fundit është larguar vetëm Kim, pra nuk ka asnjë arsye që Napoli të jetë 7 pikë larg kreut pas tetë javësh në Serie A.
Montpellier Hsc Vs Olympique Lyon
De Laurentiis nuk dëshiron të kapet i papërgatitur, për këtë arsye i është kthyer edhe një herë dëshirës së tij të madhe, Antonio Conte. Ish trajneri i Inter është një fiksim i vjetër i De Laurentiis, ka tentuar edhe në të shkuarën të ul në stol teknikun “azzurr”. Conte është opsioni i parë, por jo i vetmi, pasi në tavolinën e De Laurentiis janë edhe emra të tjerë. Conte është i papunë që nga fillimi i këtij sezoni, që pasi u largua nga Tottenham, ndërsa nuk e ka fshehur dëshirën që të rikthehet në stol, në krye të një ekipi në Serie A.
