Argjentina është gati ta rinisë nga 0. Ose më mirë nga 9-ta. Mediet në vendin amerikano-jugor janë të sigurta që sulmuesi i Interit do të jetë lojtari kryesor i skuadrës së re, edhe pse me trajner të përkohëshëm.
Pas përjashtimit nga Kupa e Botës duket se Icardi do të marrë me siguri ftesë për dy ndeshjet e ardhshme të “Albicelestes”, më 7 shtator kundër Guatemalës në Los Angeles dhe katër ditë më pas kundër Kolumbisë në Neë York.
Pyetja më e madhe që ngrihet tanimë është çfarë do të thotë Leo Messi për ndryshimet që ka ndërmend të bëjë trajneri i ri i përkohëshëm Lionel Scaloni. Nuk është e fshehtë për askënd se përjashtimi i Icardit nga kombëtarja dhe mospërfshirja e Higuain e Dybala në formacion për ndeshjet e Kupës së Botës është bërë edhe me miratimin e yllit të Barcelonës, i cili praktikisht ishte edhe trajner i skuadrës me ndikimin që kishte te Sampaoli.
Scaloni sigurisht nuk ka ndërmend të lërë jashtë Messin, por pak ditë më parë deklaroi: “Nuk e kemi bërë gati listën e skuadrës, por nuk mendoj se shtë koha e duhur për të thërritur Lionel Messin. Pasi të kemi bërë listën gati do të shohim çfarë do të bëjmë. Por nuk jam i shqetësuar për diskutimin që do të bëjmë me të”. Nuk dihet ende nëse Messi do të vazhdojë të luajë me kombëtaren apo jo, pa dështimit në Botëror. Megjithatë, në vendlindjen e tij janë të sigurt që gjërat nuk do të jenë më ekskluzivisht në dorë të tij.
Me shumë gjasa edhe Paolo Dybala do të jetë pjesë e skuadrës, me më shumë përgjësi, por edhe Giovani lo Celso i Paris SG. Në portë me shumë mundsi do të jetë Franco Armani, ndërsa Caballero do të mbetet jashtë pasi është rikthyer Sergio Romero, i cili humbi botërorin për shkak të një dëmtimi në gjurin e djathtë. Sa i përket Gonzalo Higuain, sipas medieve argjentinase, duhet ta rifitojë kombëtaren me golat që do të shënojë për Milanin, pas transferimit të bujshëm të verës në skuadrën kuqezi nga Juventusi.
