Premier League e futbollit në Angli ka zhvilluar këtë të diel katër ndeshjet e fundit për javën e 23-të. Tri pikë për Manchester United, Brentford dhe Leicester.
Në “Craven Cottage” vendasit e Fulham u mposhtën 0-1 nga Manchester United. “Djajtë” e Amorim u rikthyen te suksesi i plotë dhe këtë e bënë falë golit të Lisandro Martinez 12 minuta nga fundi i ndeshjes. Festë e “çmendur” nga United që sheh të ngjitet në vendin e 12-të me 29 pikë.
Në Londër, Tottenhami vendas është në krizë totale dhe ka shtatë ndeshje pa fitore në kampionat. Spurs u mposhtën 1-2 nga Leicester me përmbysje. Goli i Richarlison u zhvlerësua nga Vardy dhe Khannouss në pjesën e dytë. Tottenham me 24 pikë merr humbjen e katërt radhazi dhe sheh vendin e 15-të me 24 pikë.
Pas kësaj jave është Liverpooli që prin renditjen me 53 pikë dhe një ndeshje më pak (derbin kundër Everton), ndjekur nga Arsenal, Nottingham dhe Manchester City.
Premier League, raundi 23:
E diel, 26 janar 2025
Crystal Palace 1-2 Brentford
Tottenham 1-2 Leicester
Aston Villa 1-1 West Ham
Fulham 0-1 Manchester United
