Elseid Hysaj është bërë pjesë e futbollistëve më të rëndësishëm në botë. Kësaj here është revista e njohur britanike “World Soccer” që e përfshin mes 500 lojtarëve më të mirë. Në numrin e muajit prill Hysaj është i vetmi futbollist i Kombëtarës që vlerësohet.
Kontributi i tij me Napolin dhe Kuqezinjtë janë kriteret ku është mbështetur gjykimi i revistës. Mbrojtësi i djathtë i cili shikon edhe nga sulmi ndihmoi Shqipërinë të kualifikohej në Euro 2016 dhe është një futbollist i rëndësishëm për Napoli në Serie A. Elseid Hysaj përmedet edhe si një dëshirë për ekipe të njohur në merkaton e verës.
Në të kaluarën pjesë përzgjedhjeve të revistës “World Soccer” nga lojtarët e Kombëtares kanë qenë edhe Lorik Cana, Shkëlzen Gashi dhe Taulant Xhaka. Për 2018 një tjetër futbollist me prejardhje shqiptare, por që luan me Zvicrën është Xherdan Shaqiri.
